Kthehet spektakli në Superligë: Xhiro e pestë sjell përballje të nxehta në parket

Kampionati elitar i basketbollit është gati të dhurojë emocione të reja këtë fundjavë, teksa skuadrat zbarkojnë në fushë për të zhvilluar ndeshjet e javës së pestë të këtij edicioni. Akksioni i kësaj xhiroje nis në qytetin e Gjakovës, aty ku Vëllaznimi do të presë skuadrën e Golden Eagle Yllit. Vendasit kuqezinj deri më tani numërojnë një fitore dhe tri disfata, ndërsa mysafirët nga Theranda vijnë me moral të lartë pas dy fitoreve radhazi, pasi kishin nisur sezonin me dy pengesa. Një tjetër duel me rivalitet të lartë do të jetë ai mes Pejës dhe Rahoveci 029, duel që do të zhvillohet në palestrën e Rahovecit, ku të dyja skuadrat synojnë pikët e plota. Verdhezinjtë pejanë kanë regjistruar dy fitore dhe dy humbje në katër ndeshjet e para, kurse skuadra e njohur si 'Vreshtarët' është ende në kërkim të triumfit të tyre të parë këtë sezon.