Vardari synon vazhdimësinë e sukseseve, Spahiu: Në Shtip kërkojmë vetëm tri pikët

Me nisjen e fazës së dytë në Kampionatin e Maqedonisë së Veriut, skuadra kampione në fuqi, Vardari, do të zbarkojë sot në orën 14:00 në Shtip, ku do të matë forcat me Bregallnicën. Pasi ka siguruar dy triumfe radhazi në ndeshjet e fundit, ekipi kryeqytetas synon të zgjerojë serinë e rezultateve pozitive në transfertën që do të zhvillohet në qytetin rrëzë kalasë së Isarit. Sulmuesi i shquar i Vardarit, Ediz Spahiu, shpreh bindjen e plotë se skuadra e tij do të arkëtojë suksesin e radhës nga ky takim. “Ne shkojmë për fitore. Kjo është gjithmonë gjëja e parë që ka në mendje secili që e vesh fanellën e Vardarit. E respektojmë Bregallnicën, por besojmë në cilësitë tona dhe do të përpiqemi ta imponojmë lojën tonë në duelin e sotëm në Shtip. Besoj se do t’i fitojmë tri pikët, nëse luajmë në nivelin e duhur“, deklaroi Ediz Spahiu.