Ferizaji shkëlqen në udhëtim, triumf i pastër ndaj Fushë Kosovës në Superligën A

Klubi i volejbollit Ferizaj ka regjistruar suksesin e radhës në edicionin aktual të Superligës A, pasi ka mposhtur si mysafir skuadrën e Fushë Kosovës me një rezultatbindës 0:3 në sete. Vajzat nga Ferizaji e nisën furishëm takimin, duke dominuar në dy setet e para të cilat i mbyllën në favor të tyre me shifrat 25:21 dhe 25:22. Ndonëse seti i tretë solli një lojë më të fortë dhe rivalitet të lartë në parket, mysafiret ruajtën qetësinë në momentet vendimtare. Duke fituar edhe aktin e tretë me rezultat 27:25, ferizajaset vulosën triumfin përfundimtar pa humbur asnjë set të vetëm gjatë gjithë ndeshjes. Falë këtij rezultati pozitiv, Ferizaj arrin fitoren e dytë pas tri xhirove të parë në kampionat, ndërkohë që Fushë Kosova regjistron humbjen e dytë këtë sezon.