Ultimatumi për Michael Carrick: Humbja ndaj Leeds mund t'i kushtojë stolin e Manchester United

E ardhmja e Michael Carrick në krye të pankinës së Manchester United varet e gjitha nga sfida e kësaj fundjave kundër Leeds United në Premier League. Sipas burimeve nga mediat britanike, trajneri rrezikon shkarkimin e menjëhershëm nëse nuk del me tri pikë nga ky takim. Ky ultimatum i rëndë ka ardhur si pasojë e paraqitjeve zhgënjyese dhe humbjes 2-0 të pësuar mesjavën e kaluar ndaj Atletico Madrid në Ligën e Kampionëve. Për shkak të këtij rezultati negativ, “Djajtë e Kuq” kanë arritur në kuotën e pesë ndeshjeve radhazi pa shijuar fitoren në të gjitha kompeticionet zyrtare. Në prag të sfidës vendimtare, tekniku anglez do të bëjë çmos për të shmangur thellimin e kësaj krize në gjashtë ndeshje. Ndërkohë, spekulimet për pasardhësit e mundshëm kanë nisur tashmë, ku në listën e drejtuesve për bankinën e United përfshihen emra të njohur si Julian Nagelsmann, Antonio Conte dhe Fabian Hurzeler.