Goditje në merkato, Trepça zyrtarizon afrimin e basketbollistit Drew Thelwell

Klubi i basketbollit Trepça ka zyrtarizuar angazhimin e lojës së ri, amerikanit me pasaportë xhamajkane, Drew Thelwell. Me këtë transferim, kampionia në fuqi e Kosovës synon të shtojë forcën dhe cilësinë në skuadër, për të qenë sa më konkurruese në kompeticionin ndërkombëtar FIBA Europe Cup, si dhe në arenën vendore. Basketbollisti 24-vjeçar, i cili dallohet për gjatësinë e tij prej 1.90 metrash, mbulon pozitat 1 dhe 2 në fushë, duke i dhënë trajnerit opsione shtesë në organizim dhe lojë.