Zbardhet misteri: Ky është partneri i këngëtares Baby G me të cilin po pret fëmijë

Këngëtarja e njohur Baby G ka rrëmbyer vëmendjen e opinionit publik pasi ka njoftuar se është në pritje të ëmbël për herë të parë. Artistja ndau me ndjekësit e saj në rrjetet sociale disa imazhe buzë detit, ku shfaqej me barkun e rrumbullakosur, shoqëruar me një dedikim prekës për djalin që po pret, duke konfirmuar kështu lajmin e gëzuar. Megjithatë, krahas urimeve të shumta nga fansat, kureshtja më e madhe është drejtuar nga identiteti i partnerit të saj, të cilin ajo deri më tani ka preferuar ta mbajë larg syrit të publikut. Në vijim, ajo publikoi edhe një sekuencë video me momente intime pranë partnerit të jetës, i cili shihet duke i vendosur dorën me përkujdesje mbi bark. Edhe pse në këtë video fytyra e tij nuk shihet qartë, duke lënë vend për spekulime, burimet kanë zbardhur se bëhet fjalë për Desard Takun. Taku është një fotograf dhe videograf i njohur, i cili ndër të tjera spikat për bashkëpunimet e tij profesionale me reperin e njohur Noizy. Sipas informacioneve, çifti është në një lidhje prej kohësh, megjithëse kanë preferuar të qëndrojnë larg daljeve publike dhe vëmendjes mediatike. Pavarësisht se këngëtarja ka ruajtur gjithmonë një profil diskret sa i takon jetës së saj private, ky lajm i bukur i shtatzënisë ka vënë në qendër të vëmendjes romancën e tyre.