“Nuk më tremb askush” – Përparim Rama i jep përgjigje ironike aludimeve për arrestim

Kryetari i Prishtinës, Përparim Rama, i ka cilësuar si spekulime qesharake dhe të pabazuara zërat e fundit në publik lidhur me një mundësi të arrestimit të tij. I ftuar në një paraqitje televizive, kreu i kryeqytetit theksoi se këto thashetheme nuk janë gjë tjetër veçse lojëra të ulëta politike. Sipas tij, ato përdoren si mjete shantazhi për të ndalur ose për të sulmuar këdo që nuk i nënshtrohet agjendave të caktuara. “Mua nuk mundet me më frikësu askush, gjithmonë jam i hapur, proceset në kryeqytet janë të hapura”, deklaroi Rama, duke hedhur poshtë çdo tentativë për intimidim përmes presionit publik.