Trazirat në kryeqytet: Protestuesit sulmojnë sërish me gurë Ministrinë e Brendshme, policia përgjigjet me gaz lotsjellës

Situata e tensionuar pranë institucioneve shtetërore ka shënuar episode të reja dhune, pasi protestuesit janë vërsulur sërish drejt godinës së Ministrisë së Brendshme. Ky është sulmi i radhës që regjistrohet ndaj këtij dikasteri përgjatë tri ditëve të fundit. Turma e revoltuar ka qëlluar pandërprerë me sende të forta dhe gurë në drejtim të hyrjes kryesore, duke shkaktuar dëme të konsiderueshme materiale dhe duke shkatërruar pjesë të fasadës së objektit. Përballë këtij përshkallëzimi, forcat e rendit kanë ndërhyrë menjëherë, duke hedhur gaz lotsjellës nga tarraca e ndërtesës për të shpërndarë protestuesit. Pas ndërhyrjes së efektivëve të policisë, protestuesit janë detyruar të tërhiqen nga zona, duke mos arritur që të depërtojnë brenda mjediseve të brendshme të ministrisë.