Ligji për Dhomat e Specializuara mbërrin në tryezën e presidentes Shiroka Pula

Institucioni i Presidencës së Kosovës ka konfirmuar zyrtarisht pranimin e Ligjit për Specialen, i cili tashmë ka kaluar në fazën e shqyrtimit për dekretim nga ana e shefes së shtetit. Këtë zhvillim e ka bërë të ditur përfaqësuesi për media i presidentes, Bekim Kupina, i cili theksoi se kreu i shtetit do të veprojë në përputhje të plotë me afatet e përcaktuara ligjore. “Kuvendi i Kosovës sot e ka përcjellë Ligjin për Dhomat e Specializuara në Presidencë. Presidentja Shiroka-Pula do t’i ndërmarrë veprimet e nevojshme brenda afatit ligjor”, u shpreh Kupina. Procedura për këtë dokument erdhi pasi kryetarja e Kuvendit, Albulena Haxhiu, gjatë ditës së sotme ia dorëzoi zyrtarisht ligjin e votuar presidentes për shpallje. Kujtojmë se ndryshimet e këtij ligji morën dritën jeshile nga ana e deputetëve të Kuvendit të Kosovës gjatë seancës së mbajtur më 6 tetor.