Precedenti Gotovina: A mund të shërbejë strategjia e gjeneralit kroat si shpëtim për krerët e UÇK-së në Hagë?

Kriteri i njohur si "standardi i 200 metrave" ishte elementi vendimtar që solli rrëzimin e dënimit prej 24 vitesh burg ndaj gjeneralit kroat Ante Gotovina, duke i dhënë atij pafajësinë. Disa vite pas këtij vendimi historik, ky rast po rikthehet fuqishëm në qendër të vëmendjes publike dhe juridike, pas shpalljes së vendimeve ndaj Hashim Thaçit dhe tre ish-drejtuesve të tjerë të Ushtrisë Çlirimtare të Kosovës. Megjithatë, njohësit e fushës juridike ndërkombëtare vënë në pah se mes këtyre dy proceseve gjyqësore ekzistojnë dallime thelbësore dhe strukturore. Pavarësisht këtyre ndryshimeve, shtrohet pyetja se çfarë mund të përfitojë mbrojtja e katërshes së UÇK-së nga mënyra se si ekipi ligjor i Gotovina-s ndërtoi dhe fitoi betejën e apelit.