Gjakovë: Vihet në pranga i dyshuari për grabitjen e 8 mijë eurove me thikë, Prokuroria kërkon paraburgim

Prokuroria Themelore në Gjakovë, përkatësisht Departamenti për Krime të Rënda, ka ndërmarrë hapat ligjorë duke nxjerrë aktvendim për nisjen e hetimeve ndaj të pandehurit me inicialet Ç.Zh., si dhe i është drejtuar gjykatës kompetente me kërkesë për caktimin e masës së sigurisë prej 30 ditësh paraburgim. Sipas dosjes hetimore, ngjarja ka ndodhur më 10 tetor 2026, rreth orës 15:00, në rrugën “Anton Çeta” në Gjakovë, në biznesin “R.M.T”. I dyshuar, i maskuar dhe i armatosur me thikë, dyshohet se ka ushtruar presion e kanosje ndaj punonjëses së pranishme, duke arritur të marrë rreth 8.000 euro nga sirtari i arkës. Pas disa ditësh në arrati, personi i dyshuar me inicialet Ç.Zh. është kapur nga organet e rendit më 15 tetor 2026. Me urdhër të Prokurorit të Shtetit, ai fillimisht është ndaluar për 48 orë, ndërkohë që tashmë pritet vendimi i gjykatës lidhur me masën e sigurisë.