Tragjedi në rrugët e Pogradecit, 26-vjeçari humb jetën në një aksident rrugor

Një ngjarje e rëndë ka tronditur qytetin e Pogradecit ditën e sotme, pasi një aksident trafiku i ka kushtuar jetën një të riu. Përplasja fatale ka ndodhur në aksin kombëtar Pogradec-Qafë Plloçë, konkretisht në afërsi të fshatit Starovë. Si pasojë e këtij aksidenti të rëndë, drejtuesi i mjetit ka ndërruar jetë në vendngjarje. Viktima është identifikuar si 26-vjeçari Valentino Maxhari. Forcat e rendit dhe grupi hetues kanë mbërritur menjëherë në vendin e ngjarjes dhe po punojnë intensivisht për të zbardhur shkaqet dhe rrethanat e plota të kësaj tragjedie.