Në mbrojtje të vlerave të UÇK-së: Mesazhi i fuqishëm i nipit të heronjve Fahri e Bahri Fazliu

Në një prononcim nga sheshi, gjatë një proteste ku u evokuan ngjarjet e lavdishme të së kaluarës, Fahri Fazliu – nipi i heronjve të kombit Fahri dhe Bahri Fazliu – ka përcjellë një thirrje të fortë drejtuar opinionit publik për ruajtjen e kujtesës historike dhe të trashëgimisë së luftës çlirimtare. Ai vuri në pah detyrimin madhor që i takon brezit të ri për të mos e harruar kurrë mundin dhe gjakun e derdhur për liri. Fazliu u shpreh se shteti dhe liria e fituar nuk janë dhuratë, por rezultat i qëndresës dhe flijimit titanik të familjeve shqiptare ndër breza. “Ne, brezi që erdhi pas tyre, kemi për detyrë ta ruajmë kujtimin, dinjitetin dhe të vërtetën e asaj kohe. Liria nuk erdhi falas. Ajo u pagua me gjakun dhe sakrificën e shumë familjeve shqiptare. Prandaj, zëri ynë do të jetë gjithmonë zë për lirinë, për të vërtetën dhe për drejtësinë!”, u shpreh ndër të tjera Fahri Fazliu.