Peja triumfon në “Minatori”, shuan entuziazmin e Trepçës në startin e sezonit

Kampionati elitar i basketbollit të Kosovës ka sjellë spektakël që në javën e dytë, ku Peja ka regjistruar një fitore të madhe në udhëtim kundër Trepçës, duke e mposhtur me rezultat 81:87 në palestrën “Minatori”. Për skuadrën pejane, kjo ka qenë ndeshja e parë zyrtare e këtij edicioni, e cila është kurorëzuar me sukses të plotë në një nga terrenet më të vështira në vend. Në aspektin individual, fusha foli plotësisht në favor të Robert Smith, i cili pati paraqitje fantastike duke shënuar 24 pikë, prej të cilave pesë ishin gjuajtje të sakta për tri pikë. Krah tij u dallua edhe Trevor Moore, i cili kontribuoi me 21 pikë të tjera, duke realizuar gjithashtu pesë 3-she dhe vulosur epërsinë e verdhezinjve. Në krahun tjetër, mitrovicasit u mundën të mbajnë hapin përmes kapitenit Drilon Hajrizi, i cili mbetet pikë referimi për skuadrën e tij, duke realizuar 17 pikë, megjithatë të pamjaftueshme për të shmangur humbjen e paraifqtarëve para tifozëve të tyre. Pas këtyre ndeshjeve të para, renditja tabelare udhëhiqet nga Bashkimi me 4 pikë, pasuar nga Peja gjithashtu me 4 pikë, ndërsa Trepça mbetet e kuotuar me 3 pikë.