Ish-hendbollistja e Istogut nuk frikësohet nga Çairi: Synojmë kualifikimin në Kupën e Evropës

Ish-lojtarja e Istogut, Esma Muratoviq, e cila tashjëmbron ngjyrat e klubit nga Azerbajxhani, Kur, është shprehur e sigurt se skuadra e saj nuk ka arsye t'i frikësohet vajzave të Çairit para sfidave të ardhshme në skenën ndërkombëtare. Përballja mes Kur-it dhe Çairit vjen në kuadër të raundit të tretë të Kupës së Evropës në hendboll, ndërsa Muratoviq shpreh bindjen e plotë se ekipi i saj posedon cilësi më të larta krahasuar me skuadrën shqiptare. Duke folur për sfidën e radhës, ajo theksojë rëndësinë e kësaj përballjeje të dyfishtë dhe besimin e palëkundur te grupi. “Do të jenë dy ndeshje shumë të mira, por unë besoj te skuadra ime dhe shpresoj që të kualifikohemi në raundin tjetër. Ne përgatitemi në çdo stërvitje dhe ecim hap pas hapi”, u shpreh Muratoviq. Ndeshja e parë ndërmjet Çairit dhe Kur-it do të zhvillohet në Shkup më 7 ose 8 nëntor, ndërsa takimi i kthimit do të përcaktojë udhëtarin tutje dhe është planifikuar të luhet në Baku më 14 ose 15 nëntor.