Albulena Haxhiu zhvillon takimin lamtumirës me diplomaten greke Heleni Vakali

Kryetarja e Kuvendit të Kosovës, Albulena Haxhiu, ka zhvilluar sot një takim përmbyllës me shefen e Zyrës Ndërlidhëse të Greqisë në Kosovë, Heleni Vakali. Përmes një njoftimi zyrtar, Haxhiu ka bërë të ditur se i ka shprehur mirënjohjen Vakalit për bashkëpunimin e frytshëm dhe angazhimin e treguar përgjatë mandatit të saj në Kosovë. Gjatë këtij takimi, bashkëbisedueset kanë riafirmuar gatishmërinë e ndërsjellë për zgjerimin e partneritetit dhe forcimin e mëtejshëm të raporteve ndërmjet Kosovës dhe Greqisë. Në mbyllje të këtij takimi lamtumirës, kryetarja e Kuvendit i ka dëshiruar Heleni Vakalit suksese të mëtutjeshme në karrierën dhe angazhimet e saj të ardhshme.