Partizani U-19 shkëlqen në Europë: Skuadra e kuqe mposht Valletta-s dhe kalon në raundin e dytë

Partizani U-19 ka prerë biletën për në fazën e dytë të UEFA Youth League për sezonin 2026/2027. Të rinjtë e kuq kanë triumfuar me rezultatin e pastër 4-0 ndaj kundërshtarëve nga Malta, Valletta U-19, në takimin e kthimit të vlefshëm për “Domestic Champions Path”, duel ky i cili u luan në ambientet e “Shtëpisë së Futbollit” në kryeqytet. Përfaqësuesit e kryeqytetit dhuruan një shfaqje fantastike në fushë, duke vërtetuar epërsinë e treguar edhe në ndeshjen e parë të zhvilluar në tokën malteze, ku kishin fituar me shifrat 2-0. Falë këtij suksesi të bindshëm në shtëpi, Partizani U-19 avancon më tej në kompeticionin ndërkombëtar me një rezultat të përgjithshëm të pastër prej 6-0. Goli i parë i sfidës erdhi në fund të pjesës së parë, kur Lleshi gjeti rrjetën në minutën e 43-të, ndërsa para se skuadrat të hynin në dhomat e zhveshjes, një autogol i Formosës në minutën e 45+1-të thelloi epërsinë e të kuqve në 2-0. Edhe fraksioni i dytë i lojës u karakterizua nga dominimi i vendasve. Rrenga shënoi të tretin në minutën e 53-të, ndërsa futbollisti Hyseni vulosi shifrat përfundimtare 4-0 në minutën e 68-të të ndeshjes. Falë këtij rezultati mbresëlënës, Partizani U-19 tashmë do të përgatitet për sfidën e radhës në raundin e dytë të UEFA Youth League, ku do të ketë përballë ekipin çek Hradec Králové, duke mbajtur gjallë shpresat dhe ëndrrën e futbollit shqiptar të moshave në arenën europiane. Ky sukses me rezultatin e përgjithshëm 6-0 përballë Valletta U-19 shënon një nisje ëndrrash për kampionët e vendit tonë, të cilët e fillojnë aventurën në Europë me dy fitore radhazi dhe pa pësuar asnjë gol të vetëm në rrjetën e tyre.