Kërkesa e Kurtit për bazën 'Bondsteel': Senatori Durbin kërkon shqyrtim serioz të ofertës së Kosovës

Senatori amerikan, Dick Durbin, ka deklaruar se propozimi i kryeministrit të Kosovës, Albin Kurti, për ta shndërruar kampin ushtarak 'Bondsteel' në një bazë të përhershme të Shteteve të Bashkuara të Amerikës, meriton të trajtohet me vëmendje dhe seriozitet të lartë. Sipas senatorit, autoritetet në Prishtinë tashmë kanë hedhur në tavolinë një ofertë konkrete, e cila përfshin një marrëveshje financiare për këtë qëllim. Durbin nënvizoi se kjo iniciativë e Qeverisë së Kosovës është një hap që kërkon një analizë të detajuar nga ana e Washingtonit për të vlerësuar hapat e mëtejshëm.