Skandali në Premier League, kryetari i Manchester City-t u drejtohet tifozëve: Do ta dëshmojmë pafajësinë tonë

Kreu i Manchester City-t, Khaldoon Al Mubarak, i është drejtuar opinionit dhe tifozëve të klubit përmes një letre të hapur, ku ka bërë të ditur hapat e ardhshëm të institucionit dhe ka shprehur bindjen e palëkundur se skuadra do të dalë e pafajshme nga kjo situatë. Kujtojmë se ditën e premte, gjiganti anglez u shpall fajtor për një numër të madh shkeljesh të rregullores financiare të Premier League, zhvillim ky që ka ndezur një debat të gjerë publik rreth masave ndëshkimore që mund t'i vishen klubit, ndonëse aktualisht përjashtimi apo heqja e titujve nuk figuron si opsion i mundshëm. Më poshtë po përcjellim letrën e plotë të dërguar nga Khaldoon Al Mubarak, e cila u bë publike zyrtarisht nga vetë klubi: “Kam qenë pjesë e këtij Klubi për plot 18 vjet. Kam pasur nderin dhe privilegjin të jem krah jush në stadiumin Etihad, në Wembley dhe në Stamboll. Ky Klub ka një domethënie të jashtëzakonshme për mua, dhe ju, përmes fjalëve dhe veprimeve tuaja, ma keni dëshmuar vazhdimisht se çfarë përfaqëson Manchester City për secilin prej jush. Kjo është arsyeja kryesore pse po ju shkruaj sot. Pas lajmeve të publikuara në media mbrëmjen e së premtes, me gjasë shumë prej jush e kanë kaluar kohën duke u përgjigjur pyetjeve dhe mesazheve nga miqtë, familjarët dhe kolegët. E njëjta gjë ka ndodhur edhe me mua. Kjo është ajo çfarë i thashë familjes sime: Procedura në Premier League ka ende rrugë të gjatë për të bërë, ndërsa besimi dhe vendosmëria jonë për të dëshmuar pafajësinë e klubit mbetet po aq e fortë sa në ditën e parë të këtij procesi. Ka pafund detaje që do të dëshiroja t'i ndaja me ju, në mënyrë që të kuptoni arsyet pse jemi kaq të sigurt në pozitat tona. Megjithatë, natyra tejet konfidenciale e këtij procesi ligjor dhe angazhimi ynë për ta respektuar atë, nuk më lejojnë të veproj ndryshe për momentin. Edhe kjo letër i është nënshtruar një filtrimi të rreptë ligjor për t'u siguruar se është plotësisht në përputhje me rregullat në fuqi. Ju ftoj ta lexoni me vëmendje deklaratën që publikuam të premten, si dhe atë të shkurtit të vitit 2023. Çdo fjalë e tyre ka peshë dhe vazhdon të jetë të bëjë sens edhe sot. Edhe pse disa njerëz kanë nxjerrë përfuzime të nxituara dhe ka një zhurmë të madhe rreth nesh, asgjë nuk ka ndryshuar në thelb. Ne jemi përballur me sfida të ngjashme edhe në të kaluarën dhe çdo herë kemi dalë fitimtarë. Ka ende shumë persona që synojnë të dëmtojnë vrullin dhe suksesin e Klubit tonë, por ne nuk do t'ua japim kurrë këtë mundësi. Kemi përpara periudha mjaft interesante dhe plot emocione pas përfundimit të ndeshjeve ndërkombëtare. Pas dy javësh do të udhëtojmë drejt Anfield, ndërsa më pas do të presim Paris Saint-Germain në shtëpinë tonë për Ligën e Kampionëve – raste ideale për të festuar forcën e madhe që ka familja e madhe e Manchester City-t. Faleminderit pafund, si gjithmonë, për mbështetjen tuaj të palëkundur. Khaldoon Al Mubarak.”