Brukseli reagon ashpër: Përfshirja e Radoiçiqit në fushatën e partisë së Vuçiqit është shqetësuese

Bashkimi Evropian ka adresuar shqetësimet e tij lidhur me raportimet se Milan Radoiçiq, i cili është identifikuar si organizatori kryesor i sulmit terrorist në Banjskë, është parë duke marrë pjesë në aktivitetet elektorale të partisë në pushtet në Serbi. Zëdhënësi i BE-së, Kristijan Vigand, ka deklaruar se ky zhvillim është mjaft shqetësues. Për më tepër, Brukseli zyrtar ka shprehur zhgënjimin e tij të thellë ndaj autoriteteve serbe, për shkak të mungesës së veprimeve konkrete dhe hapave të nevojshëm që priteshin nga Beogradi lidhur me këtë çështje.