Incidenti me dronë në Detin e Zi, Rutte: NATO gati të rrisë trupat në krahun lindor

Aleanca Veriatlantike mbetet e gatshme të modifikojë dislokimin e saj ushtarak përgjatë kufijve lindorë, në varësi të zhvillimeve dhe sfidave të sigurisë. Ky qëndrim u bë i ditur të martën nga Sekretari i Përgjithshëm i NATO-s, Mark Rutte, pas një sulmi me dron që cënoi hapësirën detare pranë brigjeve bullgare në Detin e Zi. “Deri më tani kemi intesifikuar mbrojtjen në krahun lindor dhe do të vijojmë të ndjekim me vëmendje zhvillimet e sigurisë, duke ndërmarrë hapa konkretë për të përshtatur strategjinë tonë të parandalimit dhe mbrojtjes kudo që diktohet nevoja”, u shpreh kreu i NATO-s përmes një njoftimi të shpërndarë në rrjetin social X. Ky reagim zyrtar pasoi një bisedë telefonike që shefi i Aleancës pati me kryeministrin e Bullgarisë, Rumen Radev, lidhur me situatën e krijuar. Në vijim të deklaratës së tij, sekretari i përgjithshëm garantoi se NATO do të ruajë një bashkëpunim të ngushtë me të gjithë partnerët dhe shtetet anëtare në rajonin e Detit të Zi, veçanërisht pas këtij incidenti të fundit me mjete fluturuese pa pilot.