Modelja e njohur Brooks Nader rrëmben vëmendjen në Kanë me një fustan të kuq

Modelja e njohur amerikane, Brooks Nader, ka marrë të gjithë vëmendjen e mediave me paraqitjen e saj elegante dhe provokuese në qytetin e Kanës, në Francë. 29-vjeçarja, e cila është duke zhvilluar gjithashtu një karrierë në fushën e aktrimit, u shfaq e veshur me një fustan të gjatë, ngjyrë të kuqe dhe të ngushtë pas trupit. Kjo paraqitje ndodhi gjatë një sesioni fotografik të organizuar nga rrjeti Fox për serialin e ri “Baywatch”, në kuadër të panairit televiziv MIPCOM, i cili u mbajt të hënën. Fustani karakterizohej nga një dekolte e theksuar dhe mëngë të shkurtra, të cilat theksonin format e saj trupore. Ajo e plotësoi dukjen e saj me taka të larta me ngjyrë të zezë dhe një palë vathë elegantë me shkëlqim. Me flokët biondë të stiluar në onde të lehta, bukuroshja e njohur nga “Sports Illustrated” pozoi me mjaft vetëbesim para kamerave në Palais des Festivals, një ambient me pamje nga porti piktoresk në jug të shtetit francez. Gjatë këtij aktiviteti, Nader u pa në shoqërinë e kolegut të saj, aktorit Stephen Amell. Ai do të ketë rolin e kapitenit Hobie Buchannon në ribërjen e serialit të njohur “Baywatch”. Amell tësoi gjithashtu vëmendjen për shkak të paraqitjes së tij klasike, duke u shfaqur i veshur me një xhaketë të bardhë, të shoqëruar me këmishë dhe pantallona të zeza. Dalja e dy aktorëve vjen në kuadër të fushatës promocionale për rikthimin e prodhimit ikonik “Baywatch”, një prej serialeve që ka shënuar sukses dhe shikueshmëri të lartë në shkallë globale.