Flick flet hapur para Ligës së Kampionëve: Reagimi i ashpër për Realin dhe statusi i favoritit te Barça

Para duelit të radhës në Ligën e Kampionëve, trajneri i Barcelonës, Hansi Flick, e ka cilësuar si një nder të madh faktin se katalansit shihen si ndër pretendentët kryesorë për të ngritur trofeun, teksa ka refuzuar me vendosmëri të komentojë polemikat dhe kritikat e ardhura nga kampi i Real Madridit për gjyqtarët. Gjatë konferencës për shtyp para takimit që do të zhvillohet ndaj Galatasarayt, strategu gjerman ka vënë inatin në dukje se skuadra e tij duhet të shfaqet tejet e përgatitur përballë atmosferës tejet të zjarrtë që e pret në stadiumin turk. “Duhet të jemi të përgatitur për atmosferën. Është njëra prej më të mirave në botë. Është e pabesueshme. Zhurma në stadium është e jashtëzakonshme. Ata janë përmirësuar shumë kundër skuadrave të mëdha dhe ne duhet të jemi të bashkuar”, deklaroi Flick. I pyetur në lidhje me presionin shtesë që vjen si pasojë e formës së shkëlqyer që po kalon Barcelona, numri një i stendës blaugrana pranoi se është i lumtur me ecurinë e deritanishme, por tërhoqi vërejtjen se çdo ballafaqim mbart sfidat e veta specifike. “Gjithmonë them se jam i kënaqur me mënyrën se a e nisim sezonin, por çdo ndeshje është ndryshe. Nesër do të jetë e vështirë. Është privilegj të jemi këtu, por në futboll gjërat mund të ndryshojnë. Të gjithë jemi gati për këtë ndeshje”, tha ai. Kur u vu përballë pyetjeve rreth pakënaqësive të shprehura nga madrilenët për gjykimin dhe lidhjes së mundshme me afrimin e El Clásicos, tekniku i Barçës vendosi të ruajë distancën nga ky diskutim. “Shpresoj që një ditë ta mësoni se unë nuk u përgjigjem kurrë pyetjeve që kanë të bëjnë me skuadrat e tjera. Jemi para ndeshjes kundër Galatasarayt. Ta respektojmë Galatasarayn”, u përgjigj gjermani. Sa i përket pyetjes provokuese nëse do të dëshironte praninë e Vinicius Junior në përballjen e ardhshme direkte mes dy gjigantëve spanjollë, Flick zgjodhi t'i përgjigjet me një dozë ironie. “Ma bëni këtë pyetje pas dy javësh”, deklaroi ai. Tekniku gjerman preku sërish temën e pritshmërive të larta dhe etiketimit të Barcelonës si skuadra favorite për titujt kryesorë sezonalë, duke e parë këtë pozicion si një privilegj të merituar. “Është privilegj të jemi në këtë pozitë. Punojmë shumë, ndërsa për mua rruga deri në finale është shumë e gjatë. Duhet t’i luajmë të gjitha ndeshjet me mentalitetin që kemi treguar në fillim të sezonit dhe, natyrisht, duke e kontrolluar topin”, theksoi Flick. Në mbyllje të fjalës së tij, trajneri foli edhe për situatën e Gabriel Jesus, duke lënë të hapur mundësinë e aktivizimit të tij që nga minuta e parë. “Ai është gati. Nëse luan, gjë që ende nuk e dimë, do të vendosim pas stërvitjes. Jemi shumë të kënaqur me të. Është një surprizë e vogël, duhet ta pranojmë. Sjellja e tij është fantastike dhe ai është një lojtar i madh”, tha Flick. I pyetur se cilët nga futbollistët e Galatasarayt do t'i përshtateshin Barcelonës, ai vlerësoi lart paraqitjen e fundit të ekipit turk dhe u dërgoi një mesazh inkurajues talenteve të rinj. “Të gjithë luajtën shumë mirë në ndeshjen e fundit. Nëse je i ri, ke talent dhe ëndrra, pse të mos ëndërrosh? Ndoshta një ditë”, përfundoi trajneri i Barcelonës.