Situata alarmante te Manchester United: Rrezikohet seriozisht e ardhmja e Michael Carrick në krye të skuadrës

Manchester United po kalon momentet e para të vështira të këtij sezoni, pasi ka arritur të sigurojë vetëm një fitore në gjashtë sfidat e fundit në kuadër të Premier League. Seria e rezultateve negative ka bërë që pozita e trajnerit Michael Carrick të tronditet thellësisht, ndërsa burime nga shtypi britanik sugjerojnë se një shkarkim i mundshëm mund të ndodhë në një të ardhme të afërt. Për të marrë drejtimin e stolit të “Djajve të Kuq”, drejtuesit po shikojnë seriozisht dy opsione kryesore për pasardhësit e mundshëm të 45-vjeçarit: Antonio Conte dhe Eddie Howe. Emri i trajnerit italian nga Lecce, Antonio Conte, po fiton gjithnjë e më shumë terren, sidomos pas deklaratave të fundit publike ku ai shfaqi ambicien për të marrë drejtimin e një skuadre që kërkon të ringjallë sukseset e kaluara. “Ka shumë klube që, në njëfarë mënyre, e kanë humbur nga sytë historinë e tyre. Do të doja t’i bashkohesha njërit prej tyre për ta ringjallur atë histori dhe për ta bërë të shkëlqejë sërish”, pati deklaruar Conte. Megjithatë, deri në këto momente nuk ekziston asnjë vendim zyrtar nga klubi i Manchester United për largimin e Carrick, dhe as bisedime konkrete me ndonjë nga teknikët e lakuar. Fati i trajnerit anglez mbetet i lidhur ngushtë me paraqitjet dhe rezultatet e radhës të ekipit, i cili ndodhet nën një presion të madh për t'i dhënë fund serisë negative në kampionatin anglez.