Ceremonia e varrimit: Të martën i jepet lamtumira e fundit 29-vjeçarit që dyshohet se u privua nga jeta prej babait në Gjilan

Ditën e nesërme do të përcillet për në banesën e fundit 29-vjeçari Bajram Arifi, i cili humbi jetën tragjikisht gjatë ditës së djeshme në fshatin Pogragjë të komunës së Gjilanit. Lajmi për këtë ngjarje të rëndë është konfirmuar nga vetë familja Arifi, përmes një njoftimi ku bëhet e ditur se ceremonia mortore do të zhvillohet në orët e mesditës në varrezat e fshatit Pogragjë. "Familjarë e miq të nderuar, ju njoftojmë se varrimi i më të dashurit tonë, Bajram Arifi, do të bëhet ditën e martë, më 13.10.2026, me drekë në varrezat e fshatit Pogragjë", thuhet në njoftimin e lëshuar nga familjarët. Ndërkohë, autoritetet e Policisë së Kosovës kanë bërë me dije se personi i dyshuar për këtë krim është larguar menjëherë nga vendi i ngjarjes dhe aktualisht po kërkohet nga organet e rendit. Bazuar në dyshimet e deritanishme, krimi dyshohet se është kryer nga babai i viktimës 29-vjeçare. Ndërkohë, hetimet për zbardhjen e plotë të rrethanave të këtij rasti vijojnë intensivisht.