Trump shpall marrëveshjen për “armëpushim energjetik” mes Moskës dhe Kievit

Kreu i Shtëpisë së Bardhë, Donald Trump, ka bërë të ditur se është arritur një dakordësi për vendosjen e një “armëpushimi energjetik” ndërmjet Federatës Ruse dhe Ukrainës. Sipas tij, kjo masë nis zbatimin me efekt të menjëhershëm pas pajtimit të dyanshëm të palëve të përfshira në konflikt. Nëpërmjet një deklarate të shpërndarë në platformat e tij sociale, lideri amerikan ka përcjellë një thirrje të fortë drejtuar Kievit dhe Moskës që të përmbahen nga çdo veprim që mund të rrezikojë apo sabotojë këtë pakt. “Me efekt të menjëhershëm, ekziston një ARMËPUSHIM ENERGJIK në Luftën midis Rusisë dhe Ukrainës. Të dyja palët kanë rënë dakord. Mos e prishni atë! Faleminderit për vëmendjen tuaj ndaj kësaj çështjeje. Presidenti DONALD J. TRUMP”, ka shkruar ai.