Lamtumira e fundit: Sot i jepet lamtumira e fundit vëlla e motër që u tragjikisht të vrarë në Gjilan

Janë bërë të gjitha përgatitjet e fundit për ceremoninë mortore të vëllait dhe motrës, të cilët humbën jetën tragjikisht si pasojë e të shtënave me armë zjarri të premten në fshatin Livoç i Ulët të Gjilanit. Ata do të përcillen për në banesën e fundit sot në vendlindjen e tyre, në fshatin Pozheran. Sipas njoftimit zyrtar, rite fetare dhe ceremonia e varrimit do të nisin duke filluar nga ora 15:40, pranë Xhamisë së Pozheranit, ku familjarë, miq e qytetarë pritet të mblidhen për t'i dhënë lamtumirën e fundit viktimave. Në rrafshin e hetimeve, autoritetet policore kanë konfirmuar se personi i dyshuar për këtë ngjarje të rëndë është vetëdorëzuar në organet e rendit. Gjatë kontrollit të automjetit të tij, policia ka arritur të gjejë dhe të sekuestrojë një armë zjarri të llojit pistoletë “Bereta” me leje të skaduar, e cila dyshohet se është përdorur për kryerjen e këtij krimi. Me vendim të prokurorit të rastit, ndaj të dyshuarit është caktuar masa e ndalimit policor dhe ai është dërguar në qendrën e mbajtjes. Ndërkohë, përveç viktimave, nga i njëjti incident mbeti i plagosur edhe axha i tyre, i cili po merr trajtim mjekësor të avancuar dhe ndodhet në gjendje kritike për jetën në Qendrën Klinike Universitare të Kosovës (QKUK).