Matoshi: Sulmet ndaj Presidentes fshehin betejën për shkarkimin e Hamzës në PDK

Deputetja e Lëvizjes Vetëvendosje, Adriana Matoshi, ka dalë me një reagim publik lidhur me debatet dhe kritikat e fundit që i janë drejtuar Presidentes, duke i lidhur ato me dinamikat dhe përçarjet e brendshme në radhët e Partisë Demokratike të Kosovës (PDK). Nëpërmjet një postimi në rrjetet sociale, Matoshi ka theksuar se akuzat ndaj shefes së shtetit nuk janë personale, por reflektojnë luftën mes klaneve rivale brenda PDK-së, të cilat, sipas saj, kanë për qëllim kryesor eliminimin e Bedri Hamzës. Po ashtu, ajo nuk i ka kursyer as kritikët medialë, duke përdorur një gjuhë ironike ndaj disa prej analistëve, të cilët i ka krahasuar me fëmijë dhe adoleshentë, ndërsa ka komentuar përplasjet e tyre të hapura publike. “Nuk e kane me Presidenten Shiroka Pula, por me klanet brenda PDK-se. Ata qe e duan rrezimin e Hamzes i bijne Presidentes kinse per marreveshje me Kurtin. Cka ka shtepia kallxon femija, po pra femija dhe adoleshentet e quajtur analiste te cileve sot i shpertheu harapalleku ne fushe dhe u kapen mes vete”, ka shkruar Matoshi në llogarinë e saj.