Aksioni i Inspektoratit: Ndëshkohen bizneset që ushtronin veprimtari pa leje mjedisore

Ministria e Mjedisit dhe Planifikimit Hapësinor ka ndërmarrë masa ndëshkimore ndaj operatorëve ekonomikë që kanë vepruar në shkelje të rregullave, duke gjobitur një kompani për përpunimin e betonit në Gjilan dhe duke urdhëruar ndalimin e menjëhershëm të punës për tri subjekte të tjera për shkak të mungesës së dokumentacionit përkatës mjedisor. Krahas rastit në Gjilan, autoritetet kanë urdhëruar pezullimin e aktiviteteve edhe për dy kompani të vendosura në Klinë, si dhe për një fabrikë në Lipjan, pasi gjatë inspektimeve është konstatuar se ato funksiononin pa poseduar lejet e kërkuara mjedisore. Gjatë aksionit në terren, kontrollet janë shtrirë në sektorë të ndryshëm, përfshirë gurthyesit, si dhe subjektet që ushtrojnë veprimtari në përpunimin e mishit dhe të produkteve të qumështit. Vëmendje e veçantë i është kushtuar verifikimit të pajisjes me leje mjedisore dhe mbrojtjes së burimeve ujore. Institucionet përgjegjëse po mbajnë nën vëzhgim zbatimin e vendimeve të deritanishme, ndërkohë që vijojnë shqyrtimin e shqetësimeve dhe ankesave të adresuara nga qytetarët. "Ndotja dhe aktivitetet në kundërshtim cu ligjin nuk do të tolerohen. Inspektimet dhe masat ligjore do të vazhdojnë", ka theksuar Pacolli.