Spektakël dhe kontribut kuqezi: Asllani shkëlqen me asistim në ndeshjen e dramës

Përballja mes Hoffenheimit dhe Hamburgut ka dhuruar emocione të forta dhe momente kyçe, ku protagonist ka qenë edhe mesfushori i kombëtares shqiptare. Përballja u zhbllokua qysh në minutën e 12-të, kur Yussuf Poulsen i dha avantazhin miqve të Hamburgut duke realizuar shifrat 0:1. Ai përfitoi nga një top i kthyer brenda zonës së rreptësisë dhe nuk gaboi, duke e dërguar sferën në rrjetë pranë shtyllës së majtë. Kur dukej se pjesa e parë po mbyllej me këtë rezultat, në sekondat e fundit të shtesës (minuta 45+6), erdhi një autogol tejet i pafat nga Sebastiaan Bornauw. Ky episod solli barazimin 1:1, pasi mbrojtësi devijoi pa dashje topin në portën e tij, duke rikthyer ekuilibrin për vendasit. Me nisjen e fraksionit të dytë, saktësisht në minutën e 53-të, u shënua edhe momenti deciziv i ndeshjes. Conte mori një pasim të saktë nga Asllani rreth 25 metra larg kuadratit kundërshtar, duke nisur një aksion personal. Sulmuesi u fut nga krahu i majtë drejt qendrës dhe lëshoi një gjuajtje tokësore, e cila pasi kaloi pranë shtyllës së djathtë të brendshme, përfundoi e sigurt në rrjetë.