Protestë masive në Bruksel: Diaspora dhe qytetarët kërkojnë drejtësi për ish-krerët e UÇK-së

Qindra qytetarë shqiptarë u mbledhën në zemër të kryeqytetit belg, në Bruksel, për të shprehur indinjatën e tyre ndaj vendimeve të fundit të Gjykatës Speciale kundër ish-krerëve të Ushtrisë Çlirimtare të Kosovës. Sheshi u gjallërua nga ritmet e muzikës patriotike, ndërkohë që manifestuesit ngritën lart flamujt e Kosovës, të Shqipërisë, emblemën e UÇK-së dhe atë të Shteteve të Bashkuara të Amerikës, duke manifestuar hapur pakënaqësinë ndaj vendimeve gjyqësore të dhëna nga Haga. Tubimi grumbulloi një numër të madh personash të udhëtuar posaçërisht nga Kosova, anëtarë të nismës “Liria Ka Emër”, si dhe vëllain e Kadri Veselit, i cili u pa në shoqërinë e Hysni Gucatit. Kërkesa kryesore e turmës ishte vendosja e drejtësisë për ish-udhëheqësit e luftës, përmes kundërshtimit të hapur të dënimeve të shqaktuara nga institucioni i drejtësisë në Hagë. Kujtojmë se më 16 shtator, kjo gjykatë dha verdiktet për katër figurat kryesore të UÇK-së: Hashim Thaçi u dënua me 25 vite heqje lirie, Kadri Veseli me 18 vite, Jakup Krasniqi gjithashtu me 25 vite, kurse Rexhep Selimi u dënua me 13 vjet burgim.