Gabimi monumental i Neuer: Bayerni ndëshkohet që në sekondat e para kundër Augsburgut

Manuel Neuer ka qenë protagonist i një prej episodeve më negative të karrierës së tij, gjatë ndeshjes në transfertë që Bayern Munich po luan kundër Augsburgut, e vlefshme për javën e pestë të kampionatit gjerman, Bundesligës. Në nisje të sfidës, gjatë një pasimi mbrojtës drejt portierit, gardiani gjerman u përfshi në një dalje të zakonshme për stilin e tij, por kësaj radhe gaboi fatalisht. Topi i goditur nga Robin Fellhauer përfundoi në rrjetë pas vetëm gjashtë sekondash lojë, duke tronditur menjëherë bavarezët. Pas këtij gabimi shokues, 40-vjeçari ka shprehur menjëherë pendesën e tij duke kërkuar falje para bashkëlojtarëve. Ndërkohë, në minutat e fundit të fraksionit të parë të lojës, epërsia i takon vendasve të Augsburgut me rezultatin minimal 1-0. Ky edicion përfaqëson vitin e fundit të Neuer me fanellën e Bayern Munich, teksa në horizont duket largimi i tij gjatë merkatos së verës, përveç rasteve të ndonjë kthese të papritur ngjarjesh.