Nis epoka e re në Ligën e Kombeve: Tuchel kërkon paraqitje perfekte ndaj Spanjës në “Wembley”

Përfaqësuesja e Anglisë është gati për sfidën e madhe kundër Spanjës në stadiumin “Wembley”, ku trajneri Thomas Tuchel ka theksuar se “tre luanët” synojnë të dëmojnë potencialin e tyre të vërtetë, megjithëse për një rezultat pozitiv do të nevojitet një ndeshje pa asnjë të metë ndaj kampionëve të botës. Kjo përballje shënon daljen e parë në fushë për anglezët pas përfundimit të turneut veror, teksa ata inaugurojnë rrugëtimin e tyre në grupin e vështirë të Ligës së Kombeve, ku bëjnë pjesë gjithashtu Kroacia dhe Republika Çeke. “Na duhet një paraqitje e plotë nëse duam të kemi një shans për të mposhtur Spanjën,” u shpreh Tuchel gjatë konferencës për shtyp. “Duam të jemi ne skuadra që i mposht ata dhe duam të japim një mesazh të qartë”. Tekniku gjerman shtoi se nuk ka ndërmend të ndjekë rrugën e imitimit të kundërshtarit: “Nuk shoh ndonjë vlerë në përpjekjen për të kopjuar Spanjën me shpresën se kopja mund të jetë më e mirë se origjinali. Nuk e shoh kuptimin e vërtetë të kësaj. Kjo nuk do të thotë se ne i injorojmë gjërat që ata i bëjnë mirë”. Përballja paralajmërohet tepër e vështirë, sidomos duke marrë parasysh se Spanja e mbylli Kupën e Botës pa asnjë humbje dhe duke u ndëshkuar vetëm një herë gjatë gjithë kompeticionit. I pyetur mbi mundësinë e reagimit të tifozëve nëse spanjollët do të ushtrojnë dominim përmes zotërimit të topit, Tuchel theksoi rëndësinë e durimit: “Spanja kënaqet duke të lodhur. Nuk mund të jesh i nxituar; duhet të zgjedhim momentet e duhura për të bërë presion. Por unë nuk mund të ndikoj te atmosfera”. “Do të habitesha nëse do të kishte pakënaqësi, siç mund të ndodhte nëse do të ishim duke luajtur për vendin e tretë apo nëse do të eliminoheshim në minutën e 85-të. Fakti që biletat u shitën kaq shpejt tregon se sa të entuziazmuar janë njerëzit për të ardhur dhe për të na parë”, shtoi ai. Në mbyllje, trajneri i Anglisë pranoi se do të ketë faza të ndeshjes ku skuadra e tij do të duhet të vuajë: “Megjithatë, Spanjës i pëlqen të kontrollojë topin dhe ritmin. Mund të ketë periudha kur do ta na duhet të vuajmë, por shpresojmë të ketë edhe momente kur ne të dominojmë dhe të shfrytëzojmë cilësitë tona për t’i vënë në vështirësi”.