Nderim prekës në “Polud”: Koreografia mbresëlënëse e Torcidës për derbin e madh kroat

Grupi i njohur i tifozëve të Hajdukut të Splitit, “Torcida”, ka rezervuar një surprizë mbresëlënëse për sfidën e madhe kundër Dinamos së Zagrebit, duke sjellë në vëmendje një figurë ikonike të kulturës kroate. Në stadiumin “Polud”, në kuadër të xhiros së nëntë të SuperSport HNL-së, ultrasit e Splitit shpalosën një koreografi kuadratike që tërhoqi vëmendjen e të gjithëve. Në qendër të këtij performimi artistik qëndronte figura e Dino Dvornik, artistit të mirënjohur që u nda nga jeta parakohësisht në vitin 2008, në moshën 44-vjeçare. Në tribunë u shfaq portreti i këngëtarit nga periudha kur ai aktivizohej në sportin e bejsbollit për klubin Nada. Imazhi i tij me shkop bejsbolli në dorë u shoqërua me mesazhin domethënës “Asgjë kundër Splitit”, duke i dhënë një ngjyrim emocional dhe lokal patriotik këtij takimi derbi.