Demonstrim force i Olympiacos, grekët mposhtin me lehtësi Anadolu Efes në Euroligë

Olympiacos ka regjistruar një triumf të fuqishëm me rezultatin 89-66 përballë Anadolu Efes, në takimin e zhvilluar në "Ano Liosia", duke dominuar plotësisht sfidën e vlefshme për javën e katërt të Euroligës nga sekonda e parë e deri në rënien e sirenës përfundimtare. Formacioni nga Greqia e siguroj këtë sukses të merituar falë një paraqitjeje të shkëlqyer në fushë, e cila u mbështet te kontrolli i topave nën tabela dhe një prapavijë tejet kompakte dhe e palëkundur. Epërsia e vendasve u konsolidua me kalimin e minuatave, sidomos pas fraksionit të parë të lojës. Ishte një mbrëmje mbresëlënëse para tifozëve të tyre, ku epërsia në fushë foli qartë përmes shifrave përfundimtare. Starti i takimit ishte vrullshëm për Olympiacos, që e fitoj periodën hapëse 26-16, duke dhënë sinjale të qarta për dominim. Pavarësisht se periudha e dytë solli një rënie ritmi me shifrat 9-15, skuadra greke ruajti avantazhin e pjesshëm prej 35-31 në favor të tyre gjatë pushimit të madh. Pavarësisht përpjekjeve të turqve të Anadolu Efes për të rihapur ndeshjen, ata nuk arritën ta përmbysnin kurrë rrjedhën e saj. Me rikthimin nga dhomat e zhveshjes, skuadra e Olympiacos e ngriti ndjeshëm nivelin e lojës në periodën e tretë, duke e mbyllur atë 27-18 dhe duke rimarrë drejtimin e plotë të ndeshjes. Periudha e fundit ishte një pasqyrim i së afermës me rezultatin 27-17, ndërsa diferenca në epërsi arriti majën e saj prej 23 pikësh. Një start shpërthyes, një moment balancimi në pjesën e parë dhe një marshim i sigurt drejt fitores në fund. Ky ishte skenari i një ndeshjeje ku durimi dhe saktësia në ekzekutim u shpërblyen në maksimum.