Klima merr kthesë instabile: Reshje të dendura, stuhira dhe rënie temperaturash në të gjithë Shqipërinë

Kushtet meteorologjike në të gjithë territorin e vendit do të mbeten të paqëndrueshme gjatë ditës së sotme. Që në orët e para të mëngjesit, vranësirat e dendura do të sjellin reshje shiu në mbarë Shqipërinë, me një intensitet më të lartë në rajonet veriperëndimore dhe ato jugperëndimore. E njëjta tablo do të vijojë edhe gjatë pasdites, ku reshjet herë pas here do të shndërrohen në rrebeshe e shtrëngata të fuqishme. Kjo situatë atmosferike do të shoqërohet gjithashtu me erëra të fortë dhe shkarkesa të shumta elektrike. Mbështetur në parashikimet e MeteoAlb, prania e reshjeve të shiut pritet të mbetet aktive përgjatë gjithë territorit shqiptar edhe gjatë orëve të natës. Ndërkohë, sa i përket parametrave termikë, do të ketë një ulje të temperaturave të ajrit. Vlerat minimale do të zbresin deri në 10°C, ndërsa ato maksimale nuk do të kalojnë pragun e 23°C në rang vendi.