Gabriel Jesus zbulon detajet e fshehura: Si ndryshoi papritur e ardhmja ime nga Arsenali te Barcelona

Sulmuesi i Barcelonës, Gabriel Jesus, ka ndarë me publikun detajet e prapaskenave rreth kalimit të tij nga Arsenali te gjiganti katalanas gjatë afatit kalimtar veror, duke pranuar hapur se kjo lëvizje e gjeti të papërgatitur edhe vetë atë. Futbollisti brazilian, tashmë 29 vjeç, u zyrtarizua si lojtar i Barcelonës më 1 shtator 2026, pasi firmosi një marrëveshje që e mban të lidhur me klubin deri në qershor të vitit 2029. Sipas të dhënave financiare, drejtuesit katalanas shpenzuan rreth 10 milionë euro për të mbyllur marrëveshjen. Derimëkohë, Jesus ka regjistruar katër ndeshje zyrtare me fanellën blaugrana, duke arritur të lërë gjurmë edhe me dy gola të shënuar. Megjithatë, ai ka pranoi se para se të materializohej ky opsion, skenari i së ardhmes së tij dukej krejtësisht ndryshe. “E shihja veten përballë dy alternativave: të qëndroja te Arsenali deri në përfundim të kontratës ose të rikthehesha në Brazil. Mendoja se shansi për të luajtur për Barcelonën kishte kaluar, por Zoti më surprizoi edhe një herë”, u shpreh fillimisht sulmuesi. Ai sqaroi se gjithçka ndodhi në një periudhë kur nuk e priste më një ftesë të tillë, ndërsa propozimi nga klubi katalanas e bindi pa hezituar. “Imagjinoni të kaloni një javë pa luajtur futboll dhe më pas të vijë Barcelona, duke shprehur dëshirën për t’ju transferuar. Nuk kërkoja asgjë tjetër. Gjithçka u realizua shumë shpejt dhe pa vështirësi”, deklaroi Jesus. Braziliani gjithashtu solli në vëmendje vendimin e tij historik të marrë në vitin 2016, kur refuzoi Barcelonën për të zgjedhur transferimin te Manchester City. Në atë kohë, skuadra nga “Camp Nou” kishte në dispozicion treshen e frikshme të sulmit të përbërë nga Lionel Messi, Neymar dhe Luis Suarez, fakt ky që do t'ia vështirësonte jashtëzakonisht shumë sigurimin e hapësirave të duhura në fushë një lojtari të ri. “Barcelona kishte tre sulmues të jashtëzakonshëm: Messin, Neymarin dhe Suarezin. Do të ishte e vështirë të fitoja hapësirë për të luajtur. Natyrisht, do të kisha mësuar shumë prej tyre, por në atë fazë të karrierës sime, kisha nevojë të luaja rregullisht”, shpjegoi ai. Në mbyllje të rrëfimit të tij, Jesus theksoi se vendimi për të kaluar te Manchester City ishte i mirëmenduar, pasi synonte të zhvillonte potencialin e tij nën urdhërat e trajnerit Pep Guardiola që në moshë të hershme. “Vendosa të shkoja te Manchester City, sepse besoja se puna me Pep Guardiolën në një moshë kaq të re do të ishte vendimi më i mirë për të ardhmen time”, përfundoi sulmuesi brazilian.