Tragjedia në Gjilan, hoxha publikon detajet prekëse: I riu sapo kishte falur xhumanë e fundit

Ngjarja e rëndë e regjistruar sot në Gjilan, ku një dhëndër vrau bashkëshorten dhe vëllain e saj, ka tronditur opinionin publik, ndërkohë që reagimet dhe mesazhet ngushëlluese vijojnë të jenë të shumta. Ndër të parët që onë reaguar është edhe hoxha Bashkim Bajrami, i cili ka ndarë një rrëfim emocional lidhur me njërin prej viktimave, Egzoni, duke treguar se vetëm pak orë para aktit fatal, ai kishte qenë në objektin e kultit. "Me dhimbje të thellë mora lajmin për vdekjen tragjike të Egzon Bogujevcit dhe motrës së tij në ngjarjen e rëndë që ndodhi sot në Gjilan", ka shkruar Bajrami në profilin e tij. Sipas hoxhës, i ndjeri kishte marrë pjesë rregullisht në ritualet fetare vetëm pak kohë para se jeta t'i pritej në mënyrë të dhunshme. "E sot e fali namazin e xhumasë në xhaminë tonë, ku dëgjoi hytben time për herë të fundit", ka shtuar ai. Në fund të mesazhit të tij prekës, drejtuesi fetar ka përcjellë lutjet për shpirtrat e dy viktimave, duke kërkuar mëshirë dhe paqe për familjarët e prekur nga kjo tragjedi e papritur.