Stil dhe elegancë në Londër: Amal Clooney rrëmben vëmendjen në mbrëmjen e Fondacionit për Drejtësi

Amal Clooney ka qenë në qendër të vëmendjes publike falë paraqitjes së saj tejet elegante, gjatë ngjarjes bamirëse të organizuar në bashkëpunim me bashkëshortin e saj, yllin e kinematografisë George Clooney. Çifti mikpriti ceremoninë e ndarjes së çmimeve të Fondacionit Clooney për Drejtësi, të pagëzuar me emrin “The Albies”, e cila u mbajt mbrëmjen e së premtes në ambientet e Muzeut të Historisë Natyrore në kryeqytetin britanik. Avokatja e shquar e të drejtave të njeriut, 48-vjeçare, u shfaq nën dritat e prozhektorëve e veshur me një fustan të artë që shkëlqente, të karakterizuar nga shpatullat e zbuluara dhe detaje me thekë, krijim ky i markës së njohur Gucci. Ajo e plotësoi pamjen e saj duke e kombinuar veshjen me sandale me taka të larta dhe një çantë dore në nuanca argjendi. Në krah të saj, aktori 65-vjeçar George Clooney shfaqi gjithashtu stil klasik dhe serioz, duke u paraqitur me një kostum zyrtar me ngjyrë të zezë dhe këmishë me papion. Çifti, që numëron 12 vite martesë, bashkoi në këtë ngjarje vjetore një plejadë figurash të njohur nga bota e artit dhe spektaklit, ndërkohë që drejtimi i mbrëmjes iu besua prezantuesit të njohur Graham Norton. Ceremonia “The Albies” ka për qëllim kryesor të vlerësojë personalitetet që angazhohen guximshëm në mbrojtjen e të drejtave të njeriut dhe luftën për drejtësi. Ky organizim mban emrin e Albie Sachs, ish-gjyqtarit të Gjykatës Kushtetuese të Afrikës së Jugut dhe njëherësh heroit të lëvizjes kundër aparteidit. Në mesin e të ftuarve specialë spikat edhe prania e aktorit 62-vjeçar Brad Pitt, i cili u shfaq i shoqëruar nga partnerja e tij, Ines de Ramon, 33 vjeçe. Për dyshen Pitt dhe de Ramon, kjo paraqitje përbën një dalje publike mjaft të rrallë, duke qenë se ata bashkëndajnë jetën e tyre prej rreth katër vitesh.