Përplasje në Rudare, përfshihet makina e trupave paqeruajtëse të KFOR-it

Një ngjarje rrugore është regjistruar gjatë ditës së sotme në fshatin Rudare të komunës së Zveçanit, ku janë përplasur një veturë civile dhe një automjet ushtarak i KFOR-it austriak. Lajmin për këtë incident e ka konfirmuar komandanti i Njësisë së Trafikut Rajonal për Mitrovicën Veriore, Munish Avdiu, i cili ka bërë të ditur se, për fat të mirë, gjithçka ka kaluar vetëm me dëme materiale dhe pa persona të lënduar. Sipas shpjegimeve të dhëna nga zyrtarë policorë, ngjarja ka ndodhur rreth orës 10:30. Shkak i përplasjes dyshohet të ketë qenë një lëvizje e pakujdesshme e drejtuesit të mjetit privat, i cili ka goditur automjetin e misionit paqeruajtës, duke shkaktuar dëme materiale në të dyja veturat e përfshira.