Gjendja e sigurisë në Rahovec në fokus, Enver Dugolli merr pjesë në mbledhjen e KKSB-së

Zëvendësministri i Punëve të Brendshme, Enver Dugolli, ka marrë pjesë në mbledhjen e radhës të Këshillit Komunal për Siguri në Bashkësi (KKSB) në Rahovec, e cila u drejtua nga i pari i kësaj komune, Smail Latifi. Në këtë takim është shqyrtuar panorama e përgjithshme e sigurisë në nivel lokal, sfidat aktuale dhe objektivat parësore në këtë sektor, si dhe është vënë theksi te domosdoshmëria e një bashkëpunimi më të ngushtë ndërmjet pushtetit qendror, atij lokal dhe strukturave të sigurisë. Gjatë fjalës së tij, zëvendësministri Dugolli ka vlerësuar lart lidhjen dhe koordinimin e vazhdueshëm mes institucioneve, faktorë këta kyç për të parandaluar dukuritë e dëmshme, për të forcuar rendin publik dhe për t'u dhënë përgjigje të shpejta kërkesave të qytetarëve. Ai ka shtuar se siguria në komunitet arrihet përmes punës së përbashkët, angazhimit institucional dhe besimit reciprok, duke ritheksuar gatishmërinë e Ministrisë së Punëve të Brendshme për t'i mbështetur autoritetet komunale dhe mekanizmat e sigurisë në përmbushjen e misionit të tyre. Në fund, nga kjo ministri është përsëritur përkushtimi i palëkundur për të garantuar një mjedis sa më të qetë dhe të sigurt për çdo qytetar, përmes bashkërendimit të veprimeve dhe ndërmarrjes së hapave konkretë për mbrojtjen e rendit dhe qetësisë publike.