Pezeshkian: Teherani nuk dorëzohet para presionit amerikan dhe izraelit

Kreu i shtetit iranian, Masoud Pezeshkian, ka deklaruar se Shtetet e Bashkuara të Amerikës dhe Izraeli synojnë të pengojnë pavarësinë ekonomike dhe zhvillimin e brendshëm të vendit të tij. Gjatë një prononcimi, ai nënvizoi se Teherani do të orientojë investimet e tij kryesisht te potenciali njerëzor. “Ata besuan se mund të gjunjëzonin qytetarët tanë përmes masave ndëshkimore, por llogaritë e tyre dolën të gabuara”, u shpreh ai në një intervistë për rrjetin mediatik Al Jazeera. Sipas Pezeshkian, Uashingtoni dhe Tel Avivi nxitën konflikte në rajon për të tëmarrë vëmendjen, me bindjen e gabuar se qeverisja iraniane do të përmbysej brenda një periudhe të shkurtër kohore. Megjithatë, ai vuri në dukje se populli iranian ka rezistuar me vendosmëri ndaj presioneve dhe sulmeve të bashkërenduara amerikano-izraelite, duke shtuar se ky qëndrim i palëkundur do të vazhdojë edhe në të ardhmen. Në përmbyllje, presidenti iranian theksoi se stabiliteti në rajon mund të realizohet ekskluzivisht përmes solidaritetit mes shteteve fqinje, duke shtuar se rajoni nuk ka nevojë për ndërhyrjen e një “polici” të vetëshpallur.