Fundi i arratisë shumëvjeçare: Arrestohet në SHBA i shumëkërkuari Valentin Ftoni, i dënuar për vrasje

Një aksion i suksesshëm ndërkombëtar ka vënë në pranga në Shtetet e Bashkuara të Amerikës shtetasin shqiptar Valentin Ftoni, i cili kërkohej prej vitesh nga drejtësia. Operacioni i gjerë për lokalizimin dhe prangosjen e të shumëkërkuarit u realizua falë një koordinimi të ngushtë mes Shërbimit të Marshallëve Amerikanë, Ambasadës së SHBA-së në Tiranë, si dhe strukturave të tjera të zbatimit të ligjit. Valentin Ftoni kishte mundur t'i shpëtonte përballjes me ligjin për një kohë të gjatë duke përdorur emra dhe dokumente të rreme. Mbi të rëndojnë dyshime të forta për kryerjen e disa vrasjeve, ndërkohë që në Shqipëri ai është dënuar tashmë me 25 vite burgim.