Rikthimi i shpejtë në formë: Juliana Nura zbulon si humbi 13 kilogramë vetëm tetë ditë pas lindjes së binjakëve

Prezantuesja dhe ish-konkurrentja e njohur e "Big Brother VIP Kosova", Juliana Nura, po shijon çdo moment të periudhës së parë të mëmësisë. Së fundmi, ajo ka ndarë me ndjekësit e saj detaje rreth ndryshimeve fizike që po pëson trupi i saj pas sjelljes në jetë të binjakëve. Vetëm pak ditë pasi u bë nënë për herë të parë dhe prezantoi të vegjlit e saj përmes imazheve të ëmbla në rrjetet sociale, Juliana ka vendosur të jetë e hapur me publikun edhe për procesin e rikuperimit fizik. Përmes një postimi në llogarinë e saj në Instagram, ajo ka zbuluar një shifër befasuese: brenda vetëm tetë ditëve nga dita e lindjes, ajo ka arritur të humbë plot 13 kilogramë. Për të sqaruar këtë rënie të shpejtë në peshë, bukuroshja ka treguar se çelësi i këtij rezultati qëndron te hidratimi i lartë, duke konsumuar rreth tre litra ujë çdo ditë. Po ashtu, ajo ka cilësuar procesin e ushqyerjes së fëmijëve me gji si një ndër faktorët kryesorë që po ndihmon në transformimin dhe rikuperimin e shpejtë të trupit të saj.