Stili i moderatores shqiptare bën bujë në Bosnjë, media e njohur i dedikon hapësirë të veçantë

Prezantuesja e njohur shqiptare e televizionit, Franceska Rustem, ka tërhequr vëmendjen e opinionit publik në Bosnjë dhe Hercegovinë, duke u shndërruar në kryeartikull të njërës prej mediave sportive të atij vendi. Portali boshnjak i onlajn “Sportsport” i ka kushtuar një shkrim të posaçëm paraqitjes së saj të fundit, e cila nuk ka kaluar pa u vënë re gjatë angazhimeve të saj profesionale në fushën e blertë. Sipas shkrimit të publikuar, Rustem ka ngjallur interesim të madh me daljen e saj publike në prag të ndeshjes ndërkombëtare të futbollit mes Shqipërisë dhe San Marinos. Ajo u shfaq në stadium e veshur me një fustan të shkurtër me ngjyrë të zezë, të kombinuar në mënyrë perfekte me këpucë elegante me taka të larta, teksa po bënte gati hyrjen e saj për transmetimin direkt televiziv pranë fushës. Një nga momentet më interesante të kapura nga kamerat ishte prapaskena e punës së saj, pak çaste para se të niste zyrtarisht transmetimi i takimit futbollistik. Në vend të pamjes tradicionale të një prezantueseje në ekran, ajo u filmua teksa qëndronte pranë pajisjeve teknike televizive, duke bërë përgatitjet e fundit para se t'i drejtohej shikuesve përmes ekranit të vogël. Kombinimi i saj plot stil dhe elegancë fitoi vëmendjen e të pranishmëve edhe para se skuadrat të zbrisnin në fushë dhe të niste sinjali i transmetimit të ndeshjes. Francesca Rustem, e cila njihet për shijen e hollë dhe paraqitjet e kuruara me kujdes para kamerave, ka dëshmuar edhe një herë se stili i saj di të bie në sy jashtë kufijve kombëtarë. Pamjet e transmetuara nga afër kanë nxjerrë në pah kontrastin mes realitetit të prapaskenave dhe asaj çka publiku i gjërë sheh në ekranin e televizorit gjatë momenteve të tensionuara të përgatitjeve.