Brukseli kundër ndryshimeve ligjore për Gjykatën Speciale, paralajmërimi i rreptë nga Bashkimi Evropian

Bashkimi Evropian ka shprehur sërish qëndrimin e tij refuzues ndaj çdo nisme për të ndryshuar Ligjin për Gjykatën Speciale. Christian Wigand, zëdhënës i këtij institucioni, ka deklaruar se nisma për plotësim-ndryshimin e këtij ligji, e cila mori dritën jeshile gjatë orëve të vona të së martës, është në kundërshtim të hapur me detyrimet ndërkombëtare që Kosova ka marrë përsipër ndaj Bashkimit Evropian. Në reagimin e tij, përfaqësuesi i BE-së ka theksuar rëndësinë e punës që po bëjnë Dhomat e Specializuara, duke vlerësuar se ky mekanizëm po funksionon mbi parimet e drejtësisë, ndërkohë që nga radhët e deputetëve vazhdojnë diskutimet rreth mundësive të zbatimit të kornizës aktuale ligjore.