Skandal në kryeqytet: Klienti faturohet ekstra për shfrytëzimin e internetit në një kafiteri të Prishtinës

Një rast i pazakontë është regjistruar në kryeqytet, ku një qytetar është detyruar të paguajë jo vetëm për pijen e konsumuar, por edhe për qasjen në internet gjatë qëndrimit të tij në një lokal. Bazuar në faturën e bërë publike, klienti ka shfrytëzuar rrjetin wireless përmes laptopit të tij për kohëzgjatje prej një ore, veprim ky që i ka kushtuar shtesë me një tarifë prej 2.50 eurosh. Në këtë mënyrë, krahas shpenzimeve të zakonshme të konsumit brenda ambientit të kafenesë, faturimi final është rritur duke përfshirë edhe koston e shërbimit të internetit për periudhën njëorëshe.