Fjalë madhështore nga ish-sulmuesi i Juventusit: Zhegrova është një fenomen që vendos fatin e ndeshjeve

Ish-sulmuesi i njohur i Juventusit, Fabrizio Ravanelli, ka thurur elloge për Edon Zhegrovën, duke e vlerësuar yllin kosovar si një lojtar me cilësi tëjashtëzakonshme dhe me aftësi të plota për të lënë gjurmë te skuadra italiane. Ravanelli ka zbuluar se ka zhvilluar një bisedë direkte me anësorin, të cilit i ka transmetuar një mesazh inkurajues dhe njëherësh kërkues: formën e lartë që shfaq në seancat stërvitore dhe në paraqitjet me Përfaqësuesen e Kosovës, duhet ta dëshmojë vazhdimisht edhe në sfidat me fanellën e Zonjës së Vjetër. "Pola me të dhe i thashë se është një fenomen dhe se ajo që bën në stërvitje dhe me Kosovën, duhet ta bëjë edhe në ndeshjet për Juventusin. Nëse gjen qëndrueshmëri, është lojtari më i fortë, ai vendos ndeshjet", u shpreh ndër të tjera ish-futbollisti italian. Sipas Ravanellit,faqja e fundit e fushës është territori ku Zhegrova bën diferencën e madhe, falë vizionit të tij në lojë dhe zotësisë për të shërbyer në momentet kyçe të takimit. "Për mua, ai ka potencialin për 10 gola, por veçanërisht me pasimin e tij të fundit. Kur arrin në 20 metrat e fundit, bëhet shkatërrues dhe e sheh lojën qartë", shtoi ai. Fabrizio Ravanelli ruan një lidhje të fortë me historinë e klubit torinez, ku gjatë periudhës 1992–1996 pat regjistruar 41 gola në 111 paraqitje zyrtare. Në ndërkohë, Zhegrova është vënë sërish në dispozicion të klubit të tij pas përfundimit të detyrave ndërkombëtare me Dardanët në kuadër të Ligës së Kombeve. Gjatë katër sfidave hapëse të grupit, talenti kosovar ishte ndër figurat më kyçe të kombëtares, duke regjistruar në statistikat e tij një gol dhe një asistim vendimtar.