Tubimi i 1 Tetorit: Bedri Hamza kërkon pjesëmarrje masive kundër vendimit të Gjykatës Speciale

Kreu i Partisë Demokratike të Kosovës, Bedri Hamza, u ka bërë thirrje qytetarëve që të marrin pjesë në protestën e cila do të organizohet më 1 tetor në kryeqytet, si shenjë kundërshtie ndaj vendimit të fundit të Dhomave të Specializuara në Hagë ndaj ish-krerëve të Ushtrisë Çlirimtare të Kosovës. Përmes një videomesazhi të shpërndarë në profilem e tij zyrtar në rrjetet sociale, Hamza ka ftuar mbarë popullatën t'i bashkohet kësaj thirrjeje publike në sheshin “Skënderbeu”, tubim i cili është parashikuar të nisë në orën 16:00. “1 TETOR | 16:00 | SHESHI ‘SKËNDERBEU’, PRISHTINË. Bashkohu edhe ti! Le të bashkohemi kundër padrejtësisë!”, ka qenë mesazhi i përcjellë nga ana e tij. Kjo protestë popullore vjen si reagim i hapur ndaj vendimit të gjykatës ndërkombëtare për Hashim Thaçin, Kadri Veselin, Rexhep Selimin dhe Jakup Krasniqitin, duke u shndërruar në një nga tubimet më të rëndësishme të kësaj periudhe. Thirrja e Hamzës pason një valë aktivitetesh dhe marshimesh të organizuara më parë si në Prishtinë, ashtu edhe në qendra të tjera brenda dhe jashtë vendit, kundër zhvillimeve dhe aktgjykimeve të fundit nga Haga.