Në Nju-Jork, Mickoski dhe Guterres vlerësojnë lart partneritetin mes Maqedonisë së Veriut dhe OKB-së

Kryeministri Hristijan Mickoski është pritur mbrëmë në selinë qendrore të organizatës botërore në Nju-Jork nga sekretari i përgjithshëm i Kombeve të Bashkuara, Antonio Guterres, ku është zhvilluar një takim dypalësh. Sipas njoftimit zyrtar nga kabineti i Guterresit, gjatë bisedimeve është vënë në pah niveli i lartë i bashkëpunimit dhe partneritetit të ngushtë ndërmjet Maqedonisë së Veriut dhe strukturave të OKB-së. Temë qendrore e diskutimit mes dy zyrtarëve të lartë kanë qenë gjithashtu procesi i integrimeve evropiane të vendit, rëndësia e forcimit të bashkëpunimit rajonal, si dhe përkushtimi i përbashkët ndaj vlerave të multilateralizmit. Ky takim u zhvillua menjëherë pasi kreu i ekzekutivit maqedonas mbajti fjalimin e tij para liderëve botërorë në debatin e përgjithshëm të sesionit të 81-të të Asamblesë së Përgjithshme të Kombeve të Bashkuara.